الاثنين، 18 أكتوبر 2010
﹡ الألعاب اليدوية ﹡
10:25 ص | 
مرسلة بواسطة
яєєм●♥Ƹ̵̡Ӝ̵̨̄Ʒ sυℓɪмαи♥●•٠·˙ |
مونوبولي أهـم واحلى لعبة بس تضيع الوقت بالساعات
كنا نسهر عليها بال 5 و 6 ساعات ويمكن اكثر واذا جاء وقت الصلاه نتناوب يعني 3 يحرسون ووحده تصلي وتجي ههــههــ
أونو لعبه رووعة
أحلى شي الورقة السودة أسحب أربعه ويختار صاحبها لون :)
كنا نلعبها في طريق الرياض
لعبة الثعبان والسلم لعبة جداً مسلية
رووعة كنا نلعبها 4 أشخاص أو شخصين كل واحد يختار لونين كنت أخذ دايماً الأحمر والأزرق :)
الضومنة مسليهـ كنا نلعبها مع بابا :)
الكيرم حلوة :)
لعبة إصطياد السمك وناسه تقهر لما تتقفل فمها ههههـ
باربي يووة كنا مدمنين تجميع باربي هي وأغراضها وملابسها كل دقيقه مغيرينها هههــه ومسوين مدينة بالغرفه بيتها وحديقه وكرسي ودرازن باربي بانواعها وهديتي بسنه سادس كانت قصر كبيرررررررررر باربي
وربا مروش باربي وفيها تمشي الموية والله فن واهم شي كرتون التايد الصغير الي من ثاني يوم انعوج هههـه
بس الي كنا فترة نذاكر علشانه هو سيارة باربي الفوشية الكبيرة تمشي بالجهاز كنترول يووة امي تستغلنا كانت ههههه
جيبوا كذا اشتريها لكم ونذاكر علشان سواد عيون السيارة الي تركبها باربي وزوجها :)
ألعاب المواعين من الذكريات كنا ناخذها ونحط فيها حلويات وعصيرات وخرابيط ونتزاور ونجمع بنات الحارة كل اسبوع في بيت كنا نلعب العاب كثيرة من ضمنها هذي ههه الام وبنتي تعالي جيبي ضيفي هههههه
<< دايماً الأم إستغلاليه :)
الصفارة قمة الإزعاج ههـه كنا نستخدمها كشرطي مرور في الحوش للي يلعب بالبيسكليت :)
البرجون امي علمتنا هي يوم كنا في البر كانوا يلعبونها بالحجاره والله لعبه ممتعه
لعبة المسدس يووة ذكريات بقوة كنا في بيت جدي الله يرحمة يوم طحنا فيها كنا كل شوي تخلص ننزل البقالة نشتريها ونطلق على بعض ههــههــ
لعبة التركيب كل فترة شرينا شكل من كثر ماحفظنا التركيب الأول ههـه
لعبة البطريق هذي ذكريات بقووووة يوم يطلع الدرج يجنن هههههه
أدوات الطبيب كنا ناخذ الشراشف ونقسم غرفتنا اقسام قسم باطنية وقسم عيون ..الخ واهم قسم الصيدلية ههــههــ كنا ناخذ الوصفة من الطبيب << غالباً أكون أنا :) والوصفه عبارة عن اوراق اعبيها بخط اليد وفيها مربعات كثيرة وجمبها احط صح وغالبا اسماء امراض واغلبها صح هههههه ويروحون الصيدلية وفيها الادوية وهي حلويات ههه مثل حلاوة النظارة لانها تشبة الحبوب والعصارالشوكولاته وصفه طبيب الاسنان ههههههه وكنا ناخذ علب الادوية من الثلاجه ونغليها ونحط فيها عصيرات ههه
السبورة كنت أحب أرسم فيها خاصه الشكل الثاني الي فيها قلم بلاستيك وهي بلاستيك شفاف ازرق وتنمسح لما تسحبون ماسك وكان لون الخط يجي فوشي تذكرونها ؟!!
يالله هاللعبه مرة ممتعه
كانت فيها العاب حلوة
لعبة السيارة روووعه
الكميرا خاصه أهل مكـه يتذكرونها تنباع عند الحرم هدايا حجاج فيها صور الكعبه والحج ..الخ
كنا نلعبها خاصه الي فيها تدرجات الوان فوسفوري .. بس ماادري وش الفائده منها ههه
قدمـهـااااا كنا نفتحها في وجه بعض هههه
يووة هذي البيضه تنسحب بسلك وتنفتح مثل الورده ويطلع الكتكوت
هذي التركيبات كنا نشتريها من البقالة (الدكان)
مسكين البزبوز (الصنبور) كل شوي مفتوح علشان نعبي حضرة المسدس :)
البالون
هذا كان ينباع في السوبر ماركت ( الدكان - البقالة) عبارة عن معجون صغيرى تنفخ فيه يطلع هذا البالون بلاستيكي طعمه اثناء النفخ غريب << للحين احس بطعمه !!
لعبة الحيوانات أتحدى طفل ولد في الثمنينات ماكنت عنده :)
الطراطيع متعه حقيقية .. كنا نستخدمها في كل الايام وخاصه الأعياد :)
الطرطيعه العادية والصاروخ
الثوم
هذا شكل الثوم :) اكثر الطراطيع سلمية
كرتون الطرطيعه العادية
الفحم طرطيعة خطرة شكلها دائري اسوود اذا طرطعت تحرق كل الي حولها وكنا اذا طرطعناها في الحوش نخفي آثار الجريمة علشان بابا مايعاقبنا :)
الفراشة تدور تدور تدور وهي تطرطع
النجوم طرطيعة مسالمة يكثر إستخدامها في الحفلات
2/ألعاب نستخدم فيها الأيادي
حجرة ورقه مقص شخصين أو ثلاثة يبدأ كل لاعب بقبض إحدى يدية ونهزها ثلاث مرات ونحن نقول حجرة ورقه مقص فيقوم الاعب بجعل يده على شكل مقص او ورقه او حجر والاخر كذلك فإذا كان الاعبان نفس الاختيار لا يحصل شي واذا اختار لاعب مقص والاخر ورقه هزم المقص الورقة واذا كان مقص والاخر حجر هزم الحجر المقص واذا كان حجر والاخر ورقه هزمت الورقة الحجر وهكذا
طار الحمام كنا نلعبها مع بابا كنا نجلس كلنا ونفرد ايدينا الاثنين بالارض وهو يقول طار الحمام نرفع يدنا كلنا بسرعه وقع الحمام ننزلها بسرعه طار الديك اذا رفع احد يده برا وهكذا يعدد بالحيوانات ويرجع للحمام ممتعه
كم بيضة؟ كنا نلعبها مع بابا شخصين فقط يقول الاول كم بيضه باضت الدجاجه يقول الاعب 2 وحده يقول لاعب 1 لا يقول لاعب 2 اجل كم يقول لاعب 1 (2) يقول لاعب 2 لا يقول لاعب 1 اجل كم يقول لاعب 2 3 وهكذا الي يغلط بالعد هو الخسران
التسميات:
♠ ♣ ♥ ♦ ألعاب زمان ♦ ♥ ♣ ♠
الاشتراك في:
تعليقات الرسالة (Atom)
0 التعليقات:
إرسال تعليق